12 ഇന പരിപാടി

ജനകീയ ഐക്യവേദി പ്രഖ്യാപന സമ്മേളനം തദ്ദേശ സ്വയംഭരണ സ്ഥാപന തെരഞ്ഞെടുപ്പ് സംബന്ധിച്ച്
മുന്നോട്ടു വെച്ചിട്ടുള്ള പന്ത്രണ്ടിന പരിപാടി

1. തദ്ദേശ സ്വയംഭരണ സ്ഥാപനങ്ങളെ കക്ഷിരാഷ്ട്രീയത്തിന്റെ പിടിയില്‍ നിന്ന് മോചിപ്പിക്കുക

2. തദ്ദേശ സ്വയംഭരണ സ്ഥാപനങ്ങളെ അഴിമതിമുക്തമാക്കുക

3. ആനുകൂല്യവിതരണത്തിലെ പക്ഷപാതിത്വം അവസാനിപ്പിക്കുക

4. വാര്‍ഡ്/ഗ്രാമ സഭകളെ പുനരുജ്ജീവിപ്പിച്ച് ജനപങ്കാളിത്തം

യാഥാര്‍ത്ഥ്യമാക്കുക
5. സ്വയംഭരണ സ്ഥാപനങ്ങളുടെ കണക്കുകള്‍ യഥാസമയം പൂര്‍ത്തിയാക്കി ഓഡിറ്റിന് വിധേയമാക്കുക

6. വികസനപ്രക്രിയയില്‍ ജനതാല്പര്യത്തിന് മുന്‍‌ഗണന നല്‍കുക

7. പരിസ്ഥിതി സംരക്ഷിച്ചുകൊണ്ട് സുസ്ഥിരവികസനം സാധ്യമാക്കുക

8. സ്ത്രീശാക്തീകരണം പരാജയപ്പെടുത്തുന്ന രാഷ്ട്രീയ ഇടപെടല്‍

അവസാനിപ്പിക്കുക
9. തദ്ദേശ സ്വയംഭരണ സ്ഥാപനങ്ങളില്‍ ജെന്‍ഡര്‍ ബഡ്ജറ്റിങ് ഏര്‍പ്പെടുത്തുക

10. ദലിത്-ആദിവാസി പദ്ധതികള്‍ പൂര്‍ണ്ണമായി നടപ്പിലാക്കുക

11. പഞ്ചായത്തുകളുടെ നഷ്ടപ്പെട്ട അധികാരങ്ങള്‍ പുന:സ്ഥാപിക്കുക

12. തദ്ദേശ സ്വയംഭരണ സ്ഥാപനങ്ങളിലെ അംഗങ്ങളെ തിരിച്ചുവിളിക്കാന്‍ വ്യവസ്ഥ ചെയ്യുക

Tuesday, August 24, 2010

കളമശ്ശേരിയിൽ അഴിമതിരഹിത നഗര വികസന സമിതി

തദ്ദേശ സ്വയംഭരണ സ്ഥാപനങ്ങളുടെ ഭരണം അഴിമതിരഹിതമാക്കുകയെന്ന പ്രഖ്യാപിത ലക്ഷ്യത്തോടെ കളമശ്ശേരിയിൽ അഴിമതിരഹിത നഗര വികസന സമിതി പ്രവർത്തനം ആരംഭിച്ചു.

“ഇന്നിന്റെ തിന്മകളെ മാറ്റി നിർത്തി നാളെയുടെ നന്മകളെ പ്രയോജനപ്പെടുത്തുക”, “തദ്ദേശ സ്വയംഭരണ സ്ഥാപനങ്ങളെ ജനകീയമാക്കുക” എന്നീ മുദ്രാവാക്യങ്ങളാണ് സമിതി മുന്നോട്ടുവെച്ചിട്ടുള്ളത്.

സമിതി പ്രസിദ്ധീകരിച്ച ലഘുലേഖയിൽ നിന്ന്:


…അഴിമതിയും സ്വജനപക്ഷപാതവും കൊടികുത്തിവാഴുകയാണ്. കേന്ദ്ര സംസ്ഥാന സർക്കാരുകൾ വഴി പ്രാദേശിക ഭരണസമിതികൾക്ക് ലഭിക്കുന്ന കോടിക്കണക്കിന് രൂപയുടെ പദ്ധതികൾ വികസനപ്രവർത്തനത്തിന്റെ മറവിൽ തങ്ങളുടെ കീശയിലാക്കുന്നതിനുള്ള മത്സരമാണ് നേതാക്കൾ നടത്തുന്നത്. …

ജനങ്ങൾക്കുവേണ്ടി ജനങ്ങളാൽ ഭരിക്കപ്പെടുന്ന ഒരു സാമൂഹ്യ വ്യവസ്ഥിതിയും സാമ്പത്തിക സമത്വവും സ്വപ്നം കാണുന്ന കമ്മ്യൂണിസവും അതേ ആശയം ഉൾക്കൊള്ളുന്ന മഹാത്മജിയുടെ ഗ്രാമസ്വരാജെന്ന പ്രായോഗിക സമീപനവും സമന്വയിപ്പിച്ച് പൊതുജനക്ഷേമം മാത്രം മുൻനിർത്തി പ്രവർത്തിക്കുന്ന സാമൂഹ്യ പ്രവർത്തകർ നമ്മുടെ നാട്ടിൽ തുലോം വിരളമാണ്. ഇത്തരത്തിലുള്ള ആശയം ഉൾക്കൊണ്ട് പ്രവർത്തിക്കുന്നവരെ സമൂഹം മനസ്സറിഞ്ഞ് അംഗീകരിച്ചില്ലെങ്കിൽ നമ്മുടെ നാട് അനതിവിദൂര ഭാവിയിൽ സർവ്വനാശത്തിലേക്ക് കൂപ്പുകുത്തുമെന്നും ഒരു പ്രത്യേക വിഭാഗം സാമ്പത്തിക കൊഴുപ്പുകൊണ്ടുണ്ടാക്കിയ വാൾമുന ഉയർത്തിപ്പിടിച്ച് നമ്മെ അടിമപ്പണി ചെയ്യിക്കുമെന്നും നാം തിരിച്ചറിയേണ്ടിയിരിക്കുന്നു….

നമ്മുടെ സംസ്ഥാനത്ത് നിലവിലുള്ള മുഖ്യധാരാ രാഷ്ട്രീയ പ്രസ്ഥാനങ്ങൾ ജനക്ഷേമ പ്രവർത്തനങ്ങളിൽ നിന്നും അകന്ന് നിന്ന് സാമ്പത്തികനേട്ടം മാത്രം ലക്ഷ്യമാക്കി അധികാരത്തിന്റെ അന്ത:പുരത്തിൽ വിരാജിക്കുമ്പോൾ സാധാരണക്കാരന്റെ പ്രശ്നങ്ങൾ കണ്ടറിഞ്ഞ് അവരെ സമൂഹത്തിന്റെ മുഖ്യധാരയിലേക്ക് കൈപ്പിടിച്ചുയർത്തുവാനുള്ള ദൌത്യം ഏറ്റെടുത്തുകൊണ്ട് ഇന്നത്തേതിൽ നിന്നും വ്യത്യസ്തമായ ചിന്താഗതിയുമായി ഒരു പുതിയ തിരിനാളം നാട്ടിൽ തെളിഞ്ഞുവരുന്നുണ്ട്. …

സംസ്ഥാനത്തിന്റെ വിവിധ ഭാഗങ്ങളിൽ വിവിധ തരത്തിലുള്ള മാനുഷിക പ്രശ്നങ്ങൾ ഉയർത്തിപ്പിടിച്ച് ജനകീയ സമരങ്ങൾ നടത്തുന്ന സംഘടനകളെ കോർത്തിണക്കിക്കൊണ്ട് ജനപക്ഷത്ത് നിൽക്കുന്ന പ്രസ്ഥാനത്തെ വാർത്തെടുക്കുവാനാണ് ഞങ്ങൾ ലക്ഷ്യമിടുന്നത്.

ഈ പ്രസ്ഥാനത്തിന്റെ ഒരു കണ്ണിയായി കളമശ്ശേരി നഗരസഭ പ്രദേശത്ത് പ്രവർത്തിക്കുന്ന സംഘടനയാണ് അഴിമതിരഹിത നഗര വികസന സമിതി. കളമശ്ശേരി നഗരസഭ ആയതിനുശേഷം 1995 മുതൽ അധികാരം കയ്യാളുന്ന ഭരണപക്ഷം നടത്തിയ അഴിമതികൾക്കെതിരെ തുറന്ന പോരാട്ടം നടത്തിയിട്ടുള്ള സാമൂഹ്യ പ്രതിബദ്ധതയുള്ള പ്രവർത്തകരാണ് ഈ പ്രസ്ഥാനത്തെ നയിക്കുന്നത്. അധികാരിവർഗ്ഗം നടത്തിയ ക്രമക്കേടുകളുടെ പങ്ക് പറ്റി പല സാമാജികരും അന്ധത നടിച്ചപ്പോൾ ഇതിനെതിരെ സഭയ്ക്ക് അകത്തും പുറത്തും പ്രചരണം നടത്തി അഴിമതിക്കാരെ ജനങ്ങൾക്കു മുൻപിൽ തുറന്നു കാണിച്ചവരും ഈ സംഘടനയിൽ ഉണ്ട് എന്നത് പ്രസ്ഥാനത്തെ മഹത്വവത്കരിക്കുന്നു.

സമിതിയുടെ പ്രവർത്തനത്തെക്കുറ്ച്ച് അറിയുവാൻ താഴെ പറയുന്ന ഭാരവാഹികളുമായി ബന്ധപ്പെടുക:

സി.ഐ.നസീർ, സെക്രട്ടറി, മേഖലാ കമ്മിറ്റി, കളമശ്ശേരി. മൊബൈൽ 98959 49195

ജി.എസ്.ജോൺ, സെക്രട്ടറി, മേഖലാ കമ്മിറ്റി, കളമശ്ശേരി. മൊബൈൽ 99958 08070

എറണാകുളത്ത് നടന്ന ജനകീയ ഐക്യവേദി പ്രഖ്യാപന സമ്മേളനത്തിൽ അഴിമതിരഹിത നഗര വികസന സമിതിയുടെ പ്രതിനിധികൾ പങ്കെടുത്തിരുന്നു.

4 comments:

  1. ആത്മാര്‍ഥമായ ആശംസകള്‍...

    ReplyDelete
  2. Apart from a corruption free alternative, what are the other changes that your alternative is putting forward. Some of my views are as follows:

    1. Green city - cities are graveyards of environment. Concrete, sustainable steps to tackle it.

    2. Clean city - efficient and systematic waste management. How will you achieve it - suggest concrete steps - raise it during the elections.

    3. Pollution free - example set by delhi in implementing SC ruling of green fuel.

    4. Signal free traffic - example set by newdelhi - concrete steps to make kochi traffic signal free.

    5. Pedestrian friendly footpaths - disable friendly etc.

    6. Hawker friendly zones - which does not obstruct pedestrians.

    7. Designated cycle ways to travel all through the city - example set by Chennai.

    8. Push for metro railway

    9. Push for other modes of travels - rapid mass transport.

    10. Refrigerated hawking carts for vegetable vendors - One IIM graduate has done this in patna - helping farmers.

    These are very small issues, but will make a considerable impact if done properly. Try to address the issues faced by sections of people like autorickshaw drivers for instance, that will make the movement dear to those sections. What can be the demands of autorickshaw drivers? Clean air? How can we offer them clean air? Propose methods - scientific, practical methods? One simple one is to make heavy vehicles exhaust pipe to be fitted on the top of the vehicle. This is just an example.

    ReplyDelete
  3. Rupesh, your points are well taken. Please note that Janakeeya Aikyavedi is not a party or a front. It is a platform of various groups which are coming together with the common aim of breaking the status quoism to which the rival fronts have led us. As is clear from the 12-point programme, rhe effort is to make a beginning by working for freeing local bodies from the stranglehold of party politics. If the entrenched parties can be effectively challenged at that level we can clear the way for wider changes.

    ReplyDelete